Sumqayıt Dövlət Universitetində (SDU) görkəmli alimin yubileyi qeyd edilib. Sumqayıt24 bu haqda 2 iyul tarixində xəbər verir.
Ramazan Məmmədovun 80 yaşı tamam olub. O, 1991-ci ildən 2014-cü ilədək SDU-da dosent, professor, kafedra müdiri vəzifələrini, 2014-2023-cü illərdə isə Elm və innovasiyalar üzrə prorektor vəzifəsini icra edib. Hal-hazırda Xarici dillər kafedrasının professorudur.
R. Məmmədov Azərbaycan və rus dillərini müqayisəli tədqiq edir. 1978-ci ildə namizədlik, 2009-cu ildə doktorluq dissertasiyalarını müdafiə edib. Azərbaycan, rus, ingilis dillərində 150-dən artıq elmi, elmi-metodik və publisistik əsəri, o cümlədən 8 monoqrafiyası və dərs vəsaiti nəşr olunub.
Professor 1965-ci ildə “XX let Pobedı v Velikoy Oteçestvennoy voyne” Yubiley medalı, 1984-cü ildə Əfqanıstan Respublikasının “Eftexor” ordeni, 2012-ci ildə isə “Azərbaycan Respublikası Qabaqcıl təhsil işçisi” döş nişanına layiq görülüb.
