Hərbi Prokurorluq ulu öndərin 100 illik yubileyi ilə bağlı Sumqayıtda tədbir təşkil edib. Bu haqda 22 noyabr tarixində Sumqayıt24 xəbər verir.
Tədbirdə şəhər rəhbərliyi, ictimaiyyət nümayəndələri, o cümlədən şəhid ailələri və qazilər, eləcə də yüksəkrütbəli hərbi qulluqçular iştirak ediblər.
İştirakçılar öncə ümummilli lider Heydər Əliyevin abidəsinin önünə gül dəstələri düzərək tarixi şəxsiyyətin ruhuna ehtiram ifadə ediblər.
Toplantı şəhidlərin əziz xatirələrinin bir dəqiqəlik sükutla yad edilməsi, Dövlət Himninin səsləndirilməsi ilə başlayıb.
Mərasimdə çıxış edənlər Heydər Əliyevin şərəfli və mənalı ömründən, çoxşaxəli və zəngin fəaliyyətindən, dövlətimizin qüdrətlənməsində, xalqın rifahının yüksəldilməsində misilsiz xidmətlərindən və dünya siyasətinə verdiyi töhfələrdən bəhs ediblər. Həmçinin tarixi Qələbə və uğurlu antiterror tədbirləri xüsusi vurğulanmaqla həmin dövrlərdə Baş Prokurorluğun, həmçinin Hərbi Prokurorluğun Silahlı Qüvvələrlə, o cümlədən aidiyyəti rayonların rəhbərlikləri ilə qarşılıqlı səmərəli fəaliyyətindən bəhs edilib.
Sonda şəhid ailələri və qazilərlə fikir mübadiləsi aparılıb.
