Sumqayıt Heydər Əliyev Mərkəzində kitab təqdimatı mərasimi baş tutub. Bu haqda 8 iyul tarixində Sumqayıt24 Sumqayıt Tibb Mərkəzinə (STM) istinadən məlumat verir.
1 nömrəli Xəstəxananın Poliklinika şöbəsinin həkim-psixiatrı İlhamə Müslümovanın “Sən nə gözəl sevirsənmiş adamı...” və Namiq Müslümovun “Mən sevəndə adam kimi sevirəm...” adlı ilk şeirlər kitabları işıq üzü görüb.
Tədbirdə ədəbi cəmiyyətin nümayəndələri, tibb işçiləri, şəhid ailələrinin üzvləri, qazilər və həkim-psixiatrın yaxınları iştirak ediblər.
Mərasimdə onun həyat və yaradıcılığından danışılıb, ona uğurlar arzulanıb. STM-in İctimaiyyətlə əlaqələr bölməsinin müdiri Ramil Zeynallı çıxış edərək mərkəz rəhbərliyi adından İ. Müslümovanı təbrik edib və gələcək fəaliyyətində uğurlar diləyib.
