İraq Ticarət Palatalar Federasiyasının prezidenti Abdulrazaq Al-Zuheyrinin rəhbərlik etdiyi nümayəndə heyəti Sumqayıt Kimya Sənaye Parkını ziyarət edib.
Sumqayıt24 xəbər verir ki, İqtisadi Zonaların İnkişafı Agentliyinin (İZİA) sədr müavini Elkiyar Ziyadov qonaqlara qurumun idarəçiliyində olan sənaye zonaları, burada sahibkarlar üçün yaradılan əlverişli investisiya imkanları, tətbiq edilən vergi və gömrük güzəştləri barədə məlumat verib.
Səfər çərçivəsində qonaqlar sənaye müəssisəsində istehsal edilən məhsulların nümunələrindən ibarət stendə baxış keçiriblər.
Daha sonra nümayəndə heyəti Sumqayıt Kimya Sənaye Parkının rezidenti “Sumqayıt Texnologiyalar Parkı” MMC-nin kabel zavodunda gedən istehsal prosesi ilə tanış olublar.
