Sumqayıtda iş yerində zəhərlənən fəhlələrin səhhəti ilə bağlı vəziyyət açıqlanıb. Bu haqda 9 iyul tarixində Sumqayıt24 Oxu.az-a istinadən məlumat verir.
Tibbi Ərazi Bölmələrini İdarəetmə Birliyinin (TƏBİB) məlumatına görə, iyulun 8-də saat 18:20-də 3 nəfər (kişi cinsli) Sumqayıt Tibb Mərkəzinin (STM) Təcili Tibbi Yardım Xəstəxanasına yerləşdirilib:
"Təvəllüdləri 1989-cu il (2 nəfər olmaqla) və 1992-ci il olan pasiyentlərə naməlum qazların toksiki təsiri diaqnozu təyin edilib və zəruri tibbi xidmətlər göstərilib. Vəziyyətləri qənaətbəxş hesab olunan şəxslər ambulator müalicə üçün evə buraxılıblar".
