Sumqayıt Gənclər kitabxanasında “Hər daşın altında bir tarix yatır” adlı maarifləndirici saat baş tutub. Bu haqda 13 fevral tarixində Sumqayıt24 xəbər verir.
Tədbir Naxçıvan Muxtar Respublikasının 100 illik yubileyinə həsr olunub. İştirakçılara Naxçıvan şəhərinin tarixindən danışılıb. Daha sonra kitab sərgisində nümayiş olunan “Tarixi şəxsiyyətlər” və “Ədəbiyyat və sənət korifeyləri” adlı yarımbaşlıqların altında əks olunan kitablar haqqında məlumat verilib. Sonda oxucular sərgidə təqdim olunan kitablarla yaxından tanış olublar.
