Yaxın günlərdə maraqlı kosmik hadisə olacaq.
Sumqayit24.az xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiyası Laboratoriyası məlumat yayıb.
Bildirilib ki, Günəşin ətrafında yerə ən yaxın üç planetin - Merkuri, Venera və Marsın paradı formalaşacaq:
"Yanvarın 22-nə doğru üç planet və Günəş səmada demək olar ki, düzgün romb konfiqurasiyasında düzüləcək, bundan sonra isə planetlər paradı tədricən dağılmağa başlayacaq".
Məlumata görə, Merkuri yanvarın sonuna qədər Günəşdən uzaqlaşan ilk planet olacaq. Fevral ayı ərzində isə əvvəlcə Venera, daha sonra Mars aralanacaq.
Bundan sonra hər üç planetin Günəş yaxınlığında daha genişmiqyaslı (10 dərəcə həddində) növbəti yaxınlaşması yalnız 2038-ci ilin sentyabrında baş verəcək.
