Əmək və Əhalinin Sosial Müdafiəsi Nazirliyi tərəfindən Sumqayıtda ictimai dinləmə keçiriləcək. Bu haqda 26 dekabr tarixində Sumqayıt24 xəbər verir.
“Məşğulluğa Dəstək Layihəsi” çərçivəsində təşkil olunan dinləmə dekabrın 27-də saat 11:00-da Poeziya Evinin binasında baş tutacaq.
Tədbirdə layihənin hədəf və məqsədləri, əhatə dairəsi, layihənin icrası zamanı ətraf mühit və sosial məsələlərə dair tələblər, proqramın gözlənilən faydaları, müraciət və iştirak qaydalarına dair iştirakçılara ətraflı məlumat veriləcək.
