Yanvar ayından pensiyalarda artımların hesablanması gözlənilir. Sumqayıt24 bu haqda 9 yanvar tarixində Bizim.media-ya istinadən xəbər verir.
Prosesin 2023-cü ilin orta aylıq əməkhaqqına edilən artım faizinə uyğun reallaşacağı ehtimal edilir. Hər il pensiya və təqaüd artımları fevral ayından verilir. Yanvar ayının artım hissəsi də həmin vaxt kartlara yüklənir.
Dövlət Sosial Müdafiə Fondunun İctimaiyyətlə Əlaqələr Departamentinin müdiri Rəşad Mehdilinin sözlərinə görə, pensiyaların artımı mövcud sərəncamla tənzimlənir:
“Müvafiq sərəncam olduqdan sonra bununla bağlı münasibət bildirəcəyik. Pensiyaların ödənişi ilə bağlı qrafik hazırlanandan sonra mediaya açıqlama veriləcək”.
