Yenilənib: saat 11:27
Fövqəladə Hallar Nazirliyinin məlumatına görə, hazırda açıq alov mənbələri müşahidə olunmur.
*****
Sumqayıtda tullantıların zərərsizləşdirilməsi poliqonunda yanğın davam edir. Bu haqda 27 noyabr tarixində Sumqayıt24 Apa.az-a istinadən məlumat verir.
Gecə saatlarında başlayan yanğın 7 hektar ərazini əhatə edib. Bu səbəbdən də Sumqayıtın bir çox küçə və prospektlərində qatı tüstü müşahidə olunur. Əraziyə FHN-in yanğından mühafizə bölmələri və texnikası cəlb edilib. Alovun söndürülməsi istiqamətində zəruri tədbirlər həyata keçirilir.
Hadisənin başvermə səbəbləri araşdırılır.
