Sumqayıtda Vətən müharibəsi iştirakçısı işıq dirəyinə çıxaraq iddialar səsləndirib. Bu haqda 30 dekabr tarixində Sumqayıt24 Daxili İşlər Nazirliyinə (DİN) istinadən məlumat verir.
Hadisə “Əşya bazarı”nın yaxınlığında qeydə alınıb. Sürücülük hüququ olmadan avtomobil idarə edən 34 yaşlı qazi Xəzər Abdullayev əsassız və qərəzli iddialar səsləndirib.
Ayrı-ayrı avtomobillərlə hərəkət iştirakçılarının həyat və sağlamlığına təhlükə yaratdığına görə ona qarşı polis əməkdaşları tərəfindən tədbirlər görülüb.
X.Abdullayev edilən xəbərdarlıqlara məhəl qoymayıb. O, həmçinin konstruksiyası dəyişdirilən və əlavə avadanlıqlar quraşdırılan avtomobili idarə edib.
Buna görə də X.Abdullayev yenidən polis əməkdaşları tərəfindən saxlanılıb və avtomobil mühafizə olunan duracağa yerləşdirilib. Onun hərəkətlərinə cavab olaraq polis tərəfindən zəruri adekvat tədbirlər görülüb.
Qeyd edək ki, daha əvvəl də bu hərəkətlərə yol verən qazi ilə polis əməkdaşları profilaktiki söhbətlər aparıb.
