Azərbaycan Respublikasının Prezidenti İlham Əliyev sentyabrın 20-də Xankəndi şəhərində Qarabağ Universitetinin təmirdən sonra açılışında iştirak edib.
“AZƏRTAC” xəbər verir ki, bu dəqiqələrdə dövlətimizin başçısı Qarabağ Universitetinin müəllim və tələbə heyəti ilə görüşür.
Qeyd edək ki, sözügedən universitetdə 1103 tələbə təhsil alacaq.
Məlumat üçün bildirək ki, Azərbaycan Respublikası Prezidentinin 28 noyabr 2023-cü il tarixili Sərəncamı ilə Qarabağ Universitetinin yaradılması haqqında qərar verilib. Universitetdə 70 nəfərlik professor-müəllim heyətinin işləyəcəyi planlaşdırılır.
