Sumqayıt Gənclər Evində maarifləndirici təlim təşkil olunub. Bu haqda 4 iyul tarixində Sumqayıt24 xəbər verir.
Görüş çərçivəsində “BiblioDrama: Oxu! Düşün! Həyatını dəyiş!” adlı layihənin icrası həyata keçirilib.
Təlimdə gənclər oxuduqları kiçik hekayəni müzakirə ediblər. Daha sonra onların içərisindən seçilmiş 1 nəfərlə qısa müddətli psixoloji seansı dinləyiblər. Seans zamanı eşitdikləri həyat hekayəsi ilə oxuduqları bədii hekayəni əlaqələndirərək mini qruplarda yeni hekayələr – “demidov dialoqları” yazıblar. Yekunda isə moderatorun müşayiəti altında hər bir hekayə “psixodrama” üsulu ilə işlənilib, nəticədə sessiyaya çıxan gənc özünün aktual inkişaf probleminin həllinə yönəlik bir neçə çıxış yolları ilə tanış olub.
Layihə QHT-lərə Dövlət Dəstəyi Agentliyinin maliyyə yardımı ilə reallaşıb.
