Sumqayıtda ümumşəhər bayram tədbiri keçirilib. Sumqayıt24 bu haqda 29 dekabr tarixində Den.az-a istinadən xəbər verir.
Məclis 31 Dekabr – Dünya Azərbaycanlılarının Həmrəyliyi Günü və Yeni ilə həsr olunub. Burada İcra Hakimiyyətinin başçısı Zakir Fərəcov, hüquq-mühafizə orqanlarının, müəssisə, idarə və təşkilatların rəhbərləri, şəhid ailələri və qazilər, ictimaiyyət nümayəndələri iştirak ediblər.
Tədbirdə müxtəlif mövzular üzrə çıxışlar olub. Sonra şəhərin sosial-iqtisadi həyatında səmərəli fəaliyyətinə görə fərqlənən bir qrup şəxsə İcra Hakimiyyətinin fəxri fərmanları paylanılıb. Prezident İlham Əliyevin Sərəncamı ilə təltif olunan Sədaqət Əsədovaya “Tərəqqi” medalı verilib.
Sonda tanınmış incəsənət nümayəndələri konsert veriblər.
