Fövqəladə Mobil Könüllü Dəstələrin (FMKD) üzvləri 2 nömrəli məktəbdə yayım sessiyası keçiriblər. Sumqayıt24 bu haqda 24 noyabr tarixində Qızıl Aypara Cəmiyyəti Sumqayıt bölməsinə istinadən xəbər verir.
Görüşdə Qızıl Xaç və Qızıl Aypara Hərəkatı haqqında biliklər verilib, şəhər bölməsi və onun könüllüləri ictimaiyyətə təqdim olunublar. Könüllülər şagirdlərə hərəkatın tarixi, onun əsas prinsipləri və emblemləri, həmçinin Azərbaycan Qızıl Aypara Cəmiyyəti və onun fəaliyyətlərindən danışıblar.
Sessiya şagirdlər üçün interaktiv məşğələləri əhatə edib və sual-cavabla başa çatıb.
