Antiterror əməliyyatları zamanı şəhid olan gizir Ramil Rəhimovun qızının xərcləri "YAŞAT" Fondu tərəfindən ödənilib. Bu haqda 5 yanvar tarixində Sumqayıt24 xəbər verir.
"Onlar bizə əmanət" layihəsi çərçivəsində yanvarın 1-də Sumqayıt şəhərində doğulan Yağmurun zəruri xərcləri "YAŞAT" Fondu tərəfindən qarşılanıb. Bu məqsədlə 1000 AZN vəsait ananın hesabına köçürülüb.
Körpənin adına isə depozit hesabı açılacaq və 5000 AZN vəsait onun hesabına yerləşdiriləcək. Həmin hesaba vəsait fonda edilən ianələr hesabına toplanmış məbləğdən köçürülür. Şəhidin övladı bu vəsaiti üzərinə mütəmadi toplanan faizləri ilə birlikdə 18 yaşına çatdıqdan sonra hesabından çıxara biləcək.
Qeyd edək ki, layihə indiyədək 112 şəhid övladını əhatə edib.
