Satmaq öhdəliyi ilə kirayə mexanizmi çərçivəsində daha 232 yeni tam təmirli mənzil vətəndaşların seçiminə verilib. Sumqayıt24 bu haqda 8 dekabr tarixində xəbər verir.
Saray qəsəbəsi, Məhəmməd Əsədov küçəsində yerləşən evlər 1 və 2 otaqlıdır. Aylıq ödənişləri 376 manatdan başlayır. Yeni mənzillər Elektron ipoteka və kredit zəmanət sistemi (EİKZS) üzərindən seçim üçün 18 dekabrdan etibarən açıq olacaq.
Kirayəçilərə dair tələblər, müraciətlərin qəbulu, onlara baxılması, yaşayış sahələrinin seçilməsi və rəsmiləşdirilməsi barədə ətraflı məlumatı İpoteka və Kredit Zəmanət Fondunun saytından (www.mcgf.gov.az), eləcə də “1549” Çağrı Mərkəzinə zəng edərək öyrənmək olar. Elektron sistemdən istifadəyə dair məlumatı isə EİKZS-də yerləşdirilmiş təlimatdan əldə etmək mümkündür.
