“Clarivate Analytics” şirkətinin eksperti İneş Kenjina şəhərimizdə olub. Sumqayıt24 bu haqda 17 noyabr tarixində xəbər verir.
Onun iştirakı ilə Sumqayıt Dövlət Universitetinin bir qrup alim və tədqiqatçıları üçün praktik təlim keçirilib. Məqsəd nüfuzlu elmi jurnallarda alim və tədqiqatçılarımızın müəllif rekvizitlərinin vahid formatda yazılması, müəllif profillərinin izlənməsi və tədqiqatçıları elmi əsərlərinin məhsuldarlığının ölçülməsi vasitələri ilə tanış etmək idi.
“Clarivate” şirkətinin MDB ölkələri üzrə nümayəndəsi İneş Kenjina “Web of science platformasında elmi nəşrlər üçün uyğun jurnalın seçilməsi” adlı təqdimatla çıxış edib. O, tədqiqatın aparılması, uyğun jurnal seçimi, nəşrə hazırlıq, elmi nəşrlərə istinad, Web of science platformasındakı ödənişli və ödənişsiz jurnallar, müşayiət məktubunun (cover letter) yazılması və məqalələrin resenziyalaşdırma prosesindən danışıb.
İnteraktiv şəkildə keçən təlim sual-cavab sessiyası ilə davam edib.
