Sumqayıt Dövlət Universitetinin (SDU) tələbələri bir sıra sənaye müəssisələrində ekskursiyada olublar.
Ekologiya kafedrasının müdiri dosent Rəhilə Əhmədova Kimya və biologiya fakültəsinin tələbələrinə bələdçilik edib. İlk növbədə onlar “Azərikimya” istehsalat birliyinə aid Etilen-Polietilen Zavoduna gediblər. Burada tələbələr təlimin ümumi qaydaları, xüsusi nişanlar, təhlükəli vəziyyət zamanı davranış qaydaları və digər məsələlərlə bağlı təlimatlarla tanış olublar.
Müəssisənin məsul nümayəndələri onları zavodda gedən ümumi proses və qurğularla təmizlənmə, ayrılma proseslərinin aparıldığı laboratoriyalar, onların iş prinsipi ilə tanış edib və statistikaların təşkili kimi mövzularda səmərəli məlumatlar veriblər.
Dövlət Aqrar Xidmətlər Agentliyinə isə tələbələr SDU-da fəaliyyət göstərən ekoklub üzvləri ilə bilrikdə ekskursiya ediblər.
Mütəxəssislər laboratoriya şəraiti və burada gedən proseslərdən danışıb, torpağın ph göstəricisini təyin etmək üsulu üçün istifadə olunan qurğu və standartların hazırlanması, torpağın duzluluğunun təyinatı, toxumların növləri, becərilmə qaydaları, toxumların sayılıb saxlanılması, texniki analiz və kimyəvi analiz qaydalarından söz açıblar.
