Sumqayıt Dövlət Universitetinin (SDU) tələbələri “Qış Elm Festivalı”nda iştirak ediblər. Bu haqda 27 dekabr tarixində Sumqayıt24 xəbər verir.
Bakı Mühəndislik Universitetində təşkil olunan festivalda 100-dən artıq müxtəlif istiqamətli əyləncəli və elmi layihələr nümayiş olunub. Tədbirə qatılan Riyaziyyat fakültəsinin tələbələrindən İlahə Nəcəfova, Asim Kərimov II yerə, Elmin Qasımlı, Adilə Mustafayeva isə III yerə layiq görülüblər. Mərasim qaliblərin mükafatlandırılması, sertifikat və medalların təqdim olunması ilə başa çatıb.
Daha sonra SDU-da Sosial məsələlər və ictimaiyyətlə əlaqələr üzrə prorektor dosent Elmar Xəlilov festivalda yer tutmuş tələbələrlə görüşərək qazandıqları uğura görə universitet rəhbərliyi adından təbrik edib, onlara təhsillərində uğurlar arzulayıb.
