Sumqayıt Dövlət Universiteti (SDU) prestijli beynəlxalq “QS” reytinqində yer alıb. Sumqayıt24 bu haqda 11 iyul tarixində xəbər verir.
Təhsil ocağımız Avropa üzrə 483-cü yerdə qərarlaşıb. Avropanın 5000-dən artıq ali təhsil müəssisəsindən yalnız 684-ü reytinqə daxil ola bilib.
SDU, həmçinin Qərbi Asiyanın universitetləri arasında 31-ci, Azərbaycan daxilində 5-ci, ölkənin regional ali təhsil müəssisələri arasında isə ilk QS Beynəlxalq Reytinqinə daxil olan universitet olub.
Universitetimiz ilk dəfə təmsil olunduğu beynəlxalq reytinqdə akademik və işəgötürənlər üzrə reputasiya meyarına görə xüsusilə fərqlənir.
