Sumqayıt Dövlət Universiteti WUF13 çərçivəsində təşkil olunan "Urban Expo" sərgisində dayanıqlı şəhər inkişafı, "ağıllı şəhər" həlləri və ekoloji innovasiyalar istiqamətində hazırladıqları layihələrlə təmsil olunublar.
Sumqayit24.az xəbər verir ki, sərgidə Sumqayıt Dövlət Universiteti ilə yanaşı, Bakı Dövlət Universiteti, Qarabağ Universiteti, Azərbaycan Dövlət İqtisad Universiteti, Azərbaycan Dövlət Neft və Sənaye Universiteti, Bakı Mühəndislik Universiteti, Azərbaycan Texniki Universiteti, Azərbaycan Memarlıq və İnşaat Universiteti də iştirak edib.
Universitetlər tərəfindən yaşıl enerji, robot texnologiyaları, rəqəmsal transformasiya və iqlim dəyişikliklərinə adaptasiya sahələrini əhatə edən elmi-tədqiqat və startap layihələri nümayiş etdirilib. Bununla yanaşı, ali təhsil müəssisələrinin tətbiqyönümlü innovativ təşəbbüsləri və beynəlxalq əməkdaşlıq imkanları da ziyarətçilərə təqdim olunub.
