"Stansiya Sumqayıt" kimi tanınan Şəfəq qəsəbəsində qazilər və şəhid ailələri üçün inşa edilən yaşayış binalarına aparan yolda ciddi problem yaranıb.
Sakinlərin sözlərinə görə, yolun bağlanması səbəbindən nə şəxsi avtomobillər, nə də ictimai nəqliyyat vasitələri həmin əraziyə daxil ola bilir. Bu isə insanların gündəlik gediş-gəlişində ciddi çətinliklər yaradır. Bildirilir ki, bəzi sakinlər mənzil başına çatmaq üçün məcburən 2–3 kilometrlik yolu piyada qət edirlər.
Ən böyük çətinlik isə yaşlı insanlar, uşaqlar və ailələr üçün yaranıb. Sakinlərin iddiasına görə, şəhərciklə nəqliyyat əlaqəsi demək olar ki, kəsilib və gündəlik həyat böyük problemə çevrilib.
Vətəndaşlar aidiyyəti qurumlardan məsələyə təcili müdaxilə etməyi, yolun açılmasını və normal hərəkətin bərpa olunmasını xahiş edirlər.
Mənbə: Patrul.az
