Sumqayıt şəhəri 42-ci məhəllədə sudan qanunsuz istifadə halları aşkarlanıb. Sumqayıt24 bu haqda bu gün, 8 aprel tarixində Report-a istinadən xəbər verir.
Məlumata görə, burada yerləşən ferma və ət kəsimi sexində uçotsuz sudan istifadənin qarşısı alınıb. Obyektin sayğacı və muqaviləsi olduğu halda, suölçən cihaza gedən xətt kəsilib. Sahibkar onun əvəzinə öz obyektinə rezin boru ilə qeyri-qanuni xətt çəkib. Bu fermada əvvəllərdə oxşar hal qeydə alınmışdır.
Oxşar hal Tağıyev qəsəbəsinin yaxınlığında qeydə alınıb. Burada yerləşən quş yemi istehsal edən sex sahibinin ümümiyyətlə sudan istifadəyə icazəsi olmamasına baxmayaraq, o, magistral su kəmərinin kollektoruna qanunsuz qoşulub. Sahibkar öz obyektinə 1 km uzunluğunda su xətti çəkib.
Faktlarla bağlı tədbirlər görülüb.
