Sumqayıtda ictimai nəqliyyatın fəaliyyətində bir sıra çatışmazlıqlar var.
Şikayətçilərin Sumqayıt24-ə verdiyi məlumata görə, söhbət 2, 3 və 4 nömrəli marşrut xətlərindən gedir. Sakinlər avtobusların bir çoxunun istismar müddətinin bitməsindən, nəqliyyat vasitələrinin sayının az olmasından, eləcə də marşrutlar arası intervalının çox olmasından narazıdırlar.
“3 nömrəli marşrutla işə, dərsə, hər yerə gecikirik. Çox gec gəlir. Bəzən 1 saata yaxın avtobus gözləyirik. Avtobus gələndə isə dolu olduğundan, minmək olmur. Məcbur qalıb növbəti avtobusu gözləməli oluruq. Gələn marşrutların bəzilərinin istismar müddəti bitib. Corat qəsəbəsinə gedən 2 və 4 nömrəli avtobuslar isə ümumiyyətlə axşam saat 20:00-dan sonra işləmir. İnsanlar işdən yorğun vəziyyətdə saatlarla avtobus gözləyir, onlar isə keflərinə uyğun fəaliyyət göstərirlər”, - deyə sakinlər əlavə ediblər.
