Sumqayıtda Abşeron – Xızı regional təhsil idarəsinin yeni müdirinin təqdimat mərasimi keçirilib. Sumqayıt24 bu haqda Təhsil Şöbəsinə istinadən xəbər verir.
Tədbirdə təhsil nazirinin müavini Firudin Qurbanov, şəhərin icra başçısı Zakir Fərəcov, bəhs etdiyimiz idarənin müdiri İlhamə Abdullayeva, Abşeron, Xızı və Sumqayıt şəhər təhsil idarələrinin əməkdaşları iştirak ediblər.
Çıxış edənlər regional təhsil idarələrinin yaradılmasının əhəmiyyətindən danışıblar. Daha sonra Abşeron-Xızı Regional Təhsil İdarəsinin yeni müdiri İlhamə Abdullayeva təhsil ictimaiyyətinə təqdim edilib.
Burada həmçinin Abşeron, Xızı, Sumqayıt şəhərləri üzrə şagirdlərin göstəriciləri, eləcə də respublika fənn olimpiadaları və beynəlxalq olimpiadalarda qazanılan uğurlar nümayiş olunub.
