Sumqayıtda məktəb rəhbərliyinin rüşvət aldığı iddia olunur.
Bununla bağlı Sumqayıt24-ə valideynlər tərəfindən şikayət daxil olub. Bildirilib ki, 21 nömrəli məktəbin direktoru Qədir Mikayılov 5-ci sinif şagirdlərindən 200 manat pul tələb edir:
“Pul qarşılığında məktəbliləri ikinci növbədən birinci növbəyə keçirir. 28 şagirddən 20-si məcburiyyət qarşısında pulu verib. Digər valideynlər isə pulu verməkdən imtina edib.
Həmin məbləği verməyən valideyinlərin uşaqlarını isə sinifini dəyişərək, nisbətən zəif siniflərə köçürür”.
Şikayətçilər “açıq bazar”ın hələ yay tətilindən başladığını iddia edib. Həmin məbləği yığaraq məktəb rəhbərliyinə təqdim edən şəxsin isə valideyn komitəsinin sədri olduğu bildirilir:
“Pulu verən validenlərin uşaqlarını da yenidən səhər növbəsinə qaytarırlar. Deyirlər ki, gedin kimə şikayət etmək istəyirsinizsə edin. Valideyn komitəsinin sədrinə göndərilən məbləğin qəbzi də bizdə var.”
Foto Sumqayıt24
