Sumqayıt şəhərində məşhur mehmanxananın söküldüyü yer hazırda baxımsız vəziyyətdədir. Bir neçə il əvvəl aparılan söküntü işlərindən sonra ərazidə qalan ərazidə dağıntıdan qalan tullantılar uzun müddətdir ki, təmizlənməyib və ətraf yalnız müvəqqəti hasarla əhatələnib.
Sumqayit24.az-a müraciət edən vətəndaşın sözlərinə görə, sözügedən ərazi getdikcə təhlükəli məkana çevrilir. İddia olunur ki, xüsusilə axşam və gecə saatlarında müxtəlif yerlərdən buraya çox sayda narkotik aludəçisi toplaşır. Bu isə həm yaxınlıqda yaşayan sakinlər, həm də ərazidən istifadə edən insanlar üçün ciddi narahatlıq yaradır.
Məsələnin ən narahatedici tərəflərindən biri isə həmin ərazinin Sumqayıtın ən böyük və ən çox ziyarət edilən istirahət məkanlarının – Nəsimi adına parkın və şəhər bulvarının yaxınlığında yerləşməsidir.
Sakinlər bildirirlər ki, ailələrin, uşaqların və turistlərin tez-tez gəzdiyi bu zonanın yanında belə bir vəziyyətin yaranması şəhərin ümumi təhlükəsizliyi və imici baxımından yolverilməzdir.
