Sumqayıt məktəblisi dünyanın nüfuzlu ali təhsil müəssisələrindən birinə qəbul olub.
Sumqayit24.az-a daxil olan məlumata görə, Sumqayıt Dünya məktəbinin 11-ci sinif şagirdi Ramil Nəzərov dünyanın nüfuzlu ali təhsil müəssisələrindən biri olan "Heriot-Watt University Dubai" universitetinin "Chemical Engineering" ixtisasına qəbul olub.
Məlumat üçün bildirək ki, Ramil Nəzərov riyaziyyat, STEM, ingilis dili və kimya sahələri üzrə beynəlxalq olimpiadalarda qızıl, gümüş və bürünc medallara layiq görülərək ölkəmizi uğurla təmsil edib.
Son olaraq VI Beynəlxalq STEM Olimpiadasında riyaziyyat üzrə 100/100 nəticə göstərərək qızıl medal qazanıb və Romada keçiriləcək "Grand Final" mərhələsinə vəsiqə əldə edib.
Ramili təbrik edir, ona təhsil həyatında uğurlar arzulayırıq!
