Sumqayıtın icra başçısı Zakir Fərəcov Avstriyaya işgüzar səfər edib. Bu haqda 12 dekabr tarixində Sumqayıt24 ŞİH-yə istinadən məlumat verir.
Şəhər rəhbərinin başçılıq etdiyi nümayəndə heyəti Lints şəhərində olub.
Səfər çərçivəsində Z. Fərəcov Lints şəhərinin meri Klaus Lüger, Yuxarı Avstriya İqtisadiyyat Palatasının Xarici ticarət departamentinin nümayəndələri, Lints limanının direktoru Harald Kronştayner və Yuxarı Avstriya Federal Əyalətinin biznes şirkətlərinin nümayəndələri ilə görüşlər keçirib.
Görüşlərdə sənaye şəhərləri olan Sumqayıt və Lints arasında gələcək əməkdaşlıq üçün geniş imkanların mövcud olduğu vurğulanıb, bu imkanların reallaşdırılması istiqamətində mümkün sahələr barədə ətraflı fikir mübadiləsi aparılıb.
