Sumqayıtda kommunal təsərrüfat və tullantıların idarə olunması sahəsində bir sıra ciddi nöqsanlar müəyyən edilib.
Sumqayit24.az xəbər verir ki, bu barədə Hesablama Palatası məlumat yayıb. Belə ki, səmərəlilik auditi zamanı "Sumqayıt şəhər Təmizlik Departamenti" MMC-yə məxsus, 110 hektar ərazidə yerləşən tullantıların zərərsizləşdirilməsi poliqonu kənar hüquqi şəxslərin istifadəsinə verildiyi məlum olub. Bu halın iqtisadi səmərənin itirilməsinə səbəb olduğu bildirilib. Eyni zamanda, poliqonun istifadəsi ilə bağlı proseslərin mövcud hüquqi aktların tələblərinə uyğunlaşdırılmadığı qeyd olunub.
Bununla yanaşı, hesabatda Sumqayıt Şəhər İcra Hakimiyyətinin tabeliyində ayrıca hüquqi şəxs kimi fəaliyyət göstərən mənzil-kommunal təsərrüfatı birliyinin 2021–2023-cü illər üzrə maliyyə hesabatlarının aidiyyəti qurumlara təqdim edilmədiyi və dərc olunmadığı da vurğulanıb.
Sadalanan nöqsanlar üzrə qərarların icrası hazırda izlənilmə mərhələsindədir.
