Sumqayıtda küçələrin birində dairəvi hərəkət nişanının yoxa çıxması sürücülər üçün ciddi problem yaradıb.
Sumqayit24.az-a daxil olan məlumata görə, 9-cu mikrorayonda, Üzeyir Hacıbəyli küçəsində yerləşən dairəvi hərəkət nişanı naməlum səbəbdən götürülüb.
Vətəndaşların sözlərinə görə, nişanın olmaması xüsusilə şəhərə yeni gələn sürücülər və əraziyə bələd olmayan şəxslər üçün çaşqınlıq yaradır.
Belə ki, sürücülər yolun dairəvi hərəkət hissəsi olduğunu əvvəlcədən müəyyən edə bilmədikləri üçün bəziləri sürəti azaltmadan hərəkətə davam edir, bəziləri isə hərəkətdə üstünlüyün kimdə olduğunu anlamır. Nəticədə sürücülər arasında tərəddüd, qəfil dayanma halları və hərəkət üstünlüyünün kimdə olması ilə bağlı anlaşılmazlıqlar yaranır ki, bu da qəza riskini artırır.
Vətəndaşlar aidiyyəti qurumlardan mövcud problemin aradan qaldırılmasını tələb edirlər.
