Sumqayıt şəhər 21 nömrəli məktəb əsaslı təmir olunacaq.
Bu barədə İqtisadiyyat.az-a Elm və Təhsil Nazirliyindən məlumat verilib. Nazirlik əsaslı təmir işlərinə 4.616.473,88 manat vəsaitin sərf olunacağını proqnozlaşdırıb.
Qeyd edək ki, ötən ilin sentyabrından bağlanan məktəbin əsaslı təmirinin yeni tədris ilinə qədər başa çatdırılması nəzərdə tutulur. Məktəbin şagirdləri isə şəhərdəki digər təhsil müəssisələrinə köçürülüb.
Xatırladaq ki, 1176 şagird yerlik 21 nömrəli məktəb 1971-ci ildən fəaliyyət göstərir.
