Sumqayıtda 2 İyul – Polis İşçilərinin Peşə Bayramı Günü münasibətilə tədbir keçirilib. Sumqayıt24 bu haqda 3 iyul tarixində xəbər verir.
Tədbirdə İcra Hakimiyyətinin başçısı Zakir Fərəcov, hüquq-mühafizə orqanlarının rəhbər şəxsləri, polis idarəsinin şəxsi heyəti iştirak ediblər. Zakir Fərəcov polis işçilərini təbrik edib, sabitliyin təminində, cinayətkarlıqla mübarizədə, müstəqil dövlətçiliyimizin qorunmasında onların müstəsna xidmətlərini vurğulayıb.
Sumqayıt şəhər Polis İdarəsinin rəisi polkovnik Fəqan Azadəliyev polisləri bayram münasibətilə təbrik edib. Bildirilib ki, Sumqayıt polisi hər cür hüquqazidd əməllərin qarşısını qətiyyətlə alır və bundan sonra daha da qətiyyətlə alacaq.
Sonda idarənin bir qrup əməkdaşlarına səmərəli fəaliyyətə görə fəxri fərmanlar verilib.
