Sumqayıtda fəaliyyət göstərən təhsil müəssisələrindən birində oxuyan məktəblidən şikayət var.
Sumqayit24.az-a verilən məlumata görə, 34 nömrəli tam orta məktəbin 7-ci sinif şagirdlərindən biri məktəbə kitabın arasında bıçaq gətirib.
Valideynlərdən birinin iddiasına əsasən, həmin şagird sinif yoldaşını bıçaqlamağa cəhd edib. Bildirilir ki, hadisənin qarşısını təsadüfən həmin vaxt orada olan bir kişi valideyn alıb. O, uşağı saxlayaraq bıçağı əlindən alıb.
Şikayətçi əlavə edib ki, sözügedən şagird daha əvvəl də sinifdə bir neçə uşağı hədələyib, şagirdlərə qarşı aqressiv davranış sərgiləyib və davamlı olaraq nalayiq ifadələr işlədib.
Bir sözlə, valideynlər və şagirdlər yaranmış vəziyyətdən olduqca narahatdırlar.
Məlumata görə, Sumqayıt Şəhər Polis İdarəsində araşdırma aparılır.
