Sumqayıtda quraşdırılan işıqfor müzakirələrə səbəb olub. Bu haqda məlumatı Sumqayıt24 bu gün, 3 yanvar tarixində Oxu.az-a istinadən verir.
Belə ki, şəhərin Sülh küçəsində piyadaların işıqfordan keçməsi üçün cəmi 4 saniyə vaxt verilib. Bu da vətəndaşların haqlı iradına səbəb olub.
Məsələ barədə Baş Dövlət Yol Polisi İdarəsindən (BDYPİ) quraşdırılan işıqforda piyadaların yolu keçməsi üçün cəmi dörd saniyə vaxt verilməsinin texniki nasazlıq səbəbindən olduğu bildirilib:
“Həmin ərazidə xidmət aparan Yol Patrul Xidməti əməkdaşları tərəfindən problem aşkar olunub və aidiyyəti üzrə məlumat verilib. Artıq texniki nasazlıq aradan qaldırılıb”.
