Sumqayıtda Türkiyənin Azərbaycandakı keçmiş səfiri Hulusi Kılıçın "44 gün Vətən müharibəsi, Hulusi Kılıç informasiya cəbhəsində” kitabının təqdimatı keçirilib. Bu haqda 5 iyul tarixində Sumqayıt24 Report.az-a istinadən məlumat verir.
Sumqayıt Dövlət Dram Teatrında təşkil olunan tədbirdə şəhər İcra Hakimiyyətinin rəsmiləri, mədəniyyət işçiləri, qazilər və ictimaiyyət nümayəndələri iştirak ediblər.
Hulusi Kılıç tədbirdə çıxış edərək qonaqlara öz minnətdarlığını bildirib. O qeyd edib ki, qazanılan zəfər Türk birliyini bir daha nümayiş etdirib.
Kitabda 44 günlük müharibə dövründə Hulusi Kılıçın peşəkar fəaliyyəti, eyni zamanda müəllifin müsahibələr və çıxışları əks olunub.
