Sumqayıtda yaşayış binasında gəmiricilər məskən salıb.
Sumqayit24.az-a daxil olan şikayətdə bildirilir ki, 1-ci məhəllə, bina 100-ün bütün bloklarını siçanlar basıb. Sakinlərin sözlərinə görə, gəmiricilər divar aralarına, zirzəmilərə və pilləkənlərə qədər yayılıblar. Uşaqlar və qadınlar qorxudan qapını açıb çölə çıxa bilmirlər.
Şikayətçilər qeyd edirlər ki, bu problem uzun müddətdir davam edir, lakin hələ də heç bir qurum tədbir görməyib:
"Artıq axşamlar pilləkənlərdə hərəkət etmək mümkün deyil, siçanlar açıq-aşkar gəzir. Uşaqlar qorxudan səhər məktəbə tək gedə bilmirlər".
Onlar aidiyyəti qurumlardan ərazidə dezinfeksiya və təmizlik işlərinin aparılmasını, həmçinin binalarda gəmiricilərə qarşı mübarizə tədbirlərinin gücləndirilməsini tələb edirlər.
