Sumqayıtda məktəblilər üçün yeni idman imkanı yaradılıb.
Sumqayit24.az xəbər verir ki, 7–12 yaş arası uşaqlar üçün ödənişsiz qılıncoynatma dərslərinə start verilib. Məşğələlər Sumqayıt Dövlət Universitetinin 3-cü tədris korpusunda təşkil olunur.
Məşqlər uşaqlarda fiziki hazırlığın, çevikliyin və diqqətin inkişafına yönəlib. Qılıncoynatma həm idman, həm də intizam və düşünmə bacarıqlarını gücləndirən idman növlərindən biri hesab olunur.
Dərslər həftənin birinci, üçüncü və beşinci günləri saat 17:30–19:30 aralığında keçirilir.
Yazılmaq və əlavə məlumat əldə etmək istəyənlər (055) 353-61-13 nömrəsi ilə əlaqə saxlaya bilərlər.
