Sumqayıt şəhərində Cəbrayıl rayonunun Soltanlı kəndindən olan şəhid İlqar Əsgər oğlu Məmmədovun şərəfli döyüş yolundan bəhs edən "Vida yeri-Lələtəpə" adlı sənədli film çəkilib.
Sumqayit24.az xəbər verir ki, sənədli film ilk dəfə Nəriman Nərimanov adına Mədəniyyət Mərkəzində nümayiş etdirilib.
Təqdimat məraisimində qəhrəmanın ailə üzvləri, döyüş yoldaşları, şəhid ailələri, Cəbrayıl Rayon İcra Hakimiyyətinin əməkdaşları və digər qonaqlar iştirak ediblər.
Filmin çəkilməsində təşkilatçılığı şəhid İlqar Məmmədovun döyüş yoldaşı, müharibə veteranı Səkinə Həmidova həyata keçirib, ekran işinin ssenari müəllifi və rejissoru isə uzun illər keçmiş cəbhə bölgəsində çalışmış jurnalist Teymur Zahidoğludur.
Şəhidin bacısı yaradıcı kollektivə və tədbir iştirakçılarına minnətdarlığını bildirib.
