Ədliyyə nazirinin müavini – Penitensiar xidmətin rəisi Mirsaleh Seyidova yeni rütbə verilib. Bu haqda 21 noyabr tarixində Sumqayıt24 Sfera.az-a istinadən məlumat verir.
Prezident İlham Əliyev bununla bağlı Sərəncam izmalayıb. Sərəncama əsasən, Mirsaleh Seyidov ədliyyə general-mayoru ali xüsusi rütbəsinə layiq görülüb.
Qeyd edək ki, Mirsaleh Seyidov 23 sentyabr 1977-ci ildə Sumqayıt şəhərində anadan olub. 1998-ci ildə Bakı Dövlət Universitetinin Hüquq fakültəsini bakalavr (fərqlənmə ilə), 2002-ci ildə isə magistr (fərqlənmə ilə) pilləsi üzrə bitirib.
2016-cı ilin fevral ayından 2023-cü ilin iyul ayının 10-a qədər Penitensiar xidmətin Əməliyyat-rejim İdarəsinin rəisi vəzifəsini tutub. 2023-cü il iyul ayının 10-da Ədliyyə Nazirinin müavini – Penitensiar xidmətin rəisi təyin edilib.
O, “Azərbaycan Ədliyyəsinin 100 illiyi (1918–2018)” yubiley və “Dövlət qulluğunda fərqlənməyə görə” medalları ilə təltif edilib.
