Sumqayıtın 74-cü ildönümü ilə bağlı tədbir keçirilib. Bu haqda 23 noyabr tarixində Sumqayıt24 xəbər verir.
Kimyaçılar Mədəniyyət sarayında baş tutan tədbirdə şəhər icra başçısı Zakir Fərəcov, hüquq-mühafizə orqanlarının rəhbərləri, şəhid ailələri və qazilər, şəhər ictimaiyyətinin nümayəndələri iştirak ediblər.
Əvvəlcə toplantıda Dövlət Himni səsləndirilib, daha sonra şəhidlərimizin ruhu 1 dəqiqəlik sükutla yad edilib. Burada Sumqayıtın inkişafından bəhs edən videoçarx nümayiş olunub.
Aparıcılar son illər şəhərdə aparılan abadlıq, quruculuq işləri barədə ətraflı məlumat veriblər. Daha sonra şəhər rəhbəri Sumqayıtın şəhər statusu almasının 74-cü ildönümü münasibətilə tədbir iştirakçılarını və şəhər sakinlərini ürəkdən təbrik edib.
Mərasim respublikanın tanınmış incəsənət ustalarının konsert proqramı ilə davam edib.
