Sumqayıtda parklardan birində yaranan vəziyyət sakinlərin narazılığına səbəb olub.
Sumqayit24.az-a daxil olan məlumata görə, şəhərdə Alman parkı kimi tanınan Lüdviqshafen parkının uşaqlar üçün nəzərdə tutulmuş hissəsi məişət tullantıları ilə çirklənib və ərazidə antisanitar vəziyyət yaranıb.
Sakinlərin sözlərinə görə, baxımsızlıq nəticəsində parkda ağcaqanadların sayı artıb, bu isə xüsusilə uşaqların istirahətini çətinləşdirib.
"Bura uşaqlar üçün nəzərdə tutulmuş parkdır. Aylardır baxımsız vəziyyətdədir. Antisanitar vəziyyətə görə ağcaqanad əlindən burada dayanmaq mümkün deyil. Xahiş edirik, ərazi nəzarətə götürülsün", - deyə sakinlər müraciətlərində bildiriblər.
