Sumqayıt Dövlət Universitetində (SDU) ali təhsil müəssisələrinə qəbul imtahanlarında iştirak etmiş sumqayıtlı abituriyentlərlə görüş keçirilib. Bu haqda 9 iyul tarixində Sumqayıt24 xəbər verir.
Görüşdə universitet rəhbərliyi, həmçinin fakültə dekanları iştirak ediblər. Əvvəlcə SDU-nun rektoru dosent Rüfət Əzizov abituriyentləri salamlayıb, görüşün abituriyentlərin universitetlə tanışlıq məqsədi daşıdığını qeyd edib. Ali təhsil müəssisənin şəhərdəki sənaye mərkəzləri və digər təşkilatlarla qurulan əməkdaşlıq əlaqələri barədə danışan rektor həmin əməkdaşlığın universitet tələbə və məzunlarının həyatlarında oynadığı rol barədə danışıb. Çıxışlarda universitetdəki fakültələrin təmsilçiləri fakültələr barədə geniş məlumat veriblər.
Daha sonra SDU əməkdaşlarının iştirakı ilə abituriyentlər universitetin fakültələrində və müxtəlif sosial strukturlarında olublar.
