Sumqayıtlı aktyor Kamran Dadaşzadə Türkiyədə qətlə yetirilib. Bu haqda Sumqayıt24 xəbər verir.
Belə ki, İstanbul şəhərinin Fatih rayonu ərazisində iki qrup şəxs arasında silahlı çaxnaşma baş verib. Nəticədə Kamran Dadaşzadə, bir polis əməkdaşı və daha 5 nəfər yaralanıb.
Baş nahiyəsindən güllə yarası alan aktyor dərhal xəstəxananın reanimasiya şöbəsinə yerləşdirilib, lakin onu xilas etmək mümkün olmayıb.
Qeyd edək ki, Kamran Dadaşzadə 1969-cu ildə Sumqayıtda dünyaya gəlib. Sumqayıt Dövlət Dram Teatrının aktyoru olub. Türkiyədə “Kurtlar Vadisi”, “Savaşçı” və “Kardeş Payı” kimi seriallarda müxtəlif obrazlar canlandırıb. Bundan əlavə, o, 2018-ci ildə yayımlanan “Servet” serialında da rol alıb.
