Cahangir Cahangirov adına Xora bədii rəhbər təyin edilib. Sumqayıt24 bu haqda 23 noyabr tarixində Qafqazinfo.az-a istinadən xəbər verir.
Mədəniyyət naziri Adil Kərimlinin imzaladığı müvafiq əmrə əsasən, sözügedən vəzifə Təranə Yusifovaya həvalə olunub.
Qeyd edək ki, Təranə Yusifova 5 dekabr 1968-cı ildə Sumqayıt şəhərində anadan olub. 1984-1988-ci illərdə S. Hacıbəyov adına Sumqayıt Orta İxtisas Musiqi Məktəbinin xor dirijorluğu ixtisası üzrə, 1988-1993-cü illərdə isə Ü. Hacıbəyli adına Azərbaycan Dövlət Konservatoriyasının (indiki BMA) Tarixi nəzəriyyə fakültəsinin xor dirijorluğu şöbəsində oxuyub.
1991-ci ildə indiki Respublika İncəsənət Gimnaziyasında pedaqoji fəaliyyətə başlayıb. Sumqayıt Musiqi Texnikumu, Şuşa Musiqi Kolleci və Şuşa Humanitar Kollecində müəllim işləyib. 2002-ci ildən Azərbaycan Milli Konservatoriyasında balaban ansamblında dirijor olub.
2018-ci ildə “Oqtay Kazımi yaradıcılığının üslub xüsusiyyətləri” mövzusunda dissertasiya müdafiə edib, sənətşünaslıq üzrə fəlsəfə doktoru elmi dərəcəsi alıb.
2020-ci ildə “Əməkdar müəllim” fəxri adına layiq görülüb.
