Sumqayıtda bəzi marşrut xətləri yenidən kart sisteminə keçir. Sumqayıt24 bu haqda 29 dekabr tarixində xəbər verir.
“Sumqayıt Nəqliyyat-1” MMC-dən verilən məlumata görə, prosesin başlanması 2024-cü ilin yanvar ayına nəzərdə tutulub. İlkin olaraq 2, 5, 6, 12, 12 A və 22 saylı avtobuslarda xüsusi ödəniş terminalları quraşdırılacaq. Qalan 5 marşrut isə bu sistemlə həmin ilin birinci rübündən təmin ediləcək:
“Quraşdırılması planlaşdırılan validatorlar daha müasir və Avropa standartlarına uyğundur”.
Bildirilib ki, hazırda Sumqayıtda avtobus sürücülərinə ehtiyac var. İşləmək istəyənlər “Sumqayıt nəqliyyat-1”-ə müraciət edə bilərlər.
