Sumqayıt tədris ocağının tələbələri intellektual yarışda iştirak ediblər. Bu haqda 5 iyul tarixində Sumqayıt24 xəbər verir.
"Fibonacci” əyləncəli və intellektual oyunu üzrə “GİNius tələbə gənclər Kuboku 2024” turnirinin üçüncü mərhələsi Bakı Gənclər Mərkəzində keçirilib. Bu mərhələdə 16 ali təhsil müəssisəsindən 12 komanda iştirak edib.
Gərgin mübarizə şəraitində keçən yarışın bu mərhələsində “5.56” komandası (Azərbaycan Dövlət İqtisad Universiteti) birinci olub. İkinci yerə “Felina” komandası (Sumqayıt Dövlət Universiteti, Azərbaycan Maliyyə İqtisad Kolleci, Sumqayıt Dövlət Texniki Kolleci, Bakı Dövlət Universiteti, Azərbaycan Dövlət İqtisad Universiteti), üçüncü yerə “Old's Cool” komandası (Azərbaycan Tibb Universiteti) layiq görülüb.
İlk 3 yeri tutan komandalar oktyabr ayında keçiriləcək final oyununda iştirak etmək hüququ əldə ediblər.
