Qərbi Azərbaycan İcması (QAİ) Sumqayıt Nümayəndəliyinin Gənclər Birliyi “Gənclərin düşüncələrində Heydər Əliyev fenomeni” adlı tədbir keçirib. Bu haqda 5 yanvar tarixində Sumqayıt24 xəbər verir.
Ümummilli lider Heydər Əliyevin anadan olmasının 100 illiyinə həsr olunan toplantı 1 nömrəli Uşaq və Gənclər İnkişaf Mərkəzinin akt zalında baş tutub. Yığıncaqda şəhidlərimizin əziz xatirəsi bir dəqiqəlik sükutla yad edilib, Dövlət Himni səsləndirilib.
Daha sonra gəncləri və qonaqları salamlayan Sumqayıt nümayəndəliyinin rəhbəri Ramiz İsmayılov tədbiri açıq elan edərək giriş nitqi söyləyib. O, ümummilli liderin Azərbaycan gəncliyinə verdiyi qiymətdən və göstərdiyi dəstəkdən danışıb.
Tədbirin sonunda xatirə fotosu çəkilib.
