Sumqayıt şəhər Bülbül adına 2 nömrəli Uşaq İncəsənət məktəbinin şagirdi müsabiqədə uğur qazanıb. Bu haqda 12 dekabr tarixində Sumqayıt24 xəbər verir.
Müəllim Vaqif Əliyevin şagirdi olan Ramiz Balamiyev Uşaq İncəsənət Festivalında 6-9 yaş qrupunda “Azərbaycan xalq çalğı ifaçılığı” (nağara sinfi) nominasiyası üzrə həvəskar kateqoriyasında 1-ci yerə layiq görülüb. Məktəbliyə diplom və hədiyyə təqdim olunub.
Qeyd edək ki, fərdi və kollektiv nominasiya üzrə ümumilikdə 408 nəfər qalib olub. Müsabiqə ümummilli lider Heydər Əliyevin 100 illik yubileyi münasibətilə keçirilib.
